Հոլանդիայում կայացան «Կարին» ավանդական երգի եւ պարի խմբի ելույթները ՀՀ անկախության տոնի կապակցությամբ:
Հավատարիմ մնալով հայ մշակույթը ներկայացնելու եւ պահպանելու իր կոչմանըՙ «Կարինն» անկախության տոնը հարստացրեց ազգային երգ ու պարով եւ հոլանդաբնակ հայերի կողմից ընդունվեց մեծ խանդավառությամբ: Բացի հայ համայնքի ներկայացուցիչներից, հանդիասատեսի թվում եղան Հոլանդիայի պետական մարմինների, միջազգային կազմակերպությունների եւ դատարանների ներկայացուցիչներ, արվեստի գործիչներ, գործարարներ: «Կարին»-ի արվեստը բարձր գնահատեց նաեւ եվրոպացի հանդիսատեսըՙ խմբի ելույթներն արժանացնելով հոտնկայս ծափողջույնների:
Հոլանդիայում Հայաստանի դեսպան Ձյունիկ Աղաջանյանը Ռայսվայկ քաղաքում կայացած համերգի բացումն անելովՙ շեշտեց Հայաստանի անկախության խորհրդանշական նշանակությունը եւ ընդգծեց հայ ժողովրդի հաստատակամությունն «արարելու, չնայած ամենածանր տնտեսական ու աշխարհաքաղաքական պայմաններին, իրականության վերածելու վեցդարյա երազանքը եւ կերտելու ապահով ու բարեկեցիկ երկիր»:
Հիշեցնենք, որ համերգները կազմակերպվել էին Հոլանդիայում Հայաստանի դեսպանության եւ հայ համայնքի օժանդակությամբ:
«Կարինի» համերգների տեսագրությունները շուտով Հոլանդիայում կթողարկվեն եւ հասանելի կլինեն նաեւ DVD տարբերակով:
