Դնեպրոպետրովսկում անցկացված շախմատային փառատոնի կանանց մրցաշարում հաջող ելույթ ունեցավ գրոսմայստեր Եվգենիա Դոլուխանովան: Շրջանաձեւ մրցակարգով 10 շախմատիստուհիների միջեւ անցկացված մրցաշարում Դոլուխանովան 9 հնարավորից վաստակած 6 միավորով գրավեց 2-րդ տեղը: Նա միայն մեկ պարտություն կրեց ռուսաստանցի գրոսմայստեր Մարիա Ֆոմինիխից: Հենց այդ պարտությունն էլ ճակատագրական եղավ Դոլուխանովայի համարՙ զրկելով նրան գլխավոր մրցանակը նվաճելու հնարավորությունից: Իսկ Ֆոմինիխն այդ հաղթանակի շնորհիվ 7 միավորով դարձավ մրցաշարի հաղթող:
Ռուսաստանը ներկայացրած Ալինա Բալայանը 4 միավորով գրավեց 7-րդ տեղը: Միջազգային վարպետը կրեց 2 պարտություն Մարիա Ֆոմինիխից ու Օքսանա Գրիցաեւայից:
