Տաշքենդում ընթացող շախմատի կանանց Գրան պրիի մրցաշարի երկրորդ տուրում Էլինա Դանիելյանը սպիտակներով զիջեց Համպի Կոներուին: Վերջինս Չժաո Սյուեի հետ 2 միավորով գլխավորեց աղյուսակը: Չինացի շախմատիստուհին պարտության մատնեց Ալեքսանդրա Կոստենյուկին: Առաջին հաղթանակը տոնեց Բելա Խոթենաշվիլինՙ առավելության հասնելով Նաֆիսա Մումինովայի նկատմամբ:
Նախբաեւա-Դրոնավալի, Գիրյա-Ստեֆանովա, Վենցզյուն-Լահնո պարտիաներն ավարտվեցին ոչ-ոքի: 1,5-ական միավորով առաջատարներին հետապնդում են Անտուանետա Ստեֆանովան եւ Հարիկա Դրոնավալին: Դանիելյանը կես միավորով ընթանում է 8-րդ տեղում: Հաջորդ տուրում նա սեւերով կխաղա Եկատերինա Լահնոյի հետ:
