Գերմանացի Թոմաս Բախը Բուենոս Այրեսում կայացած ՄՕԿ-ի 125-րդ նստաշրջանում ընտրվել է Միջազգային օլիմպիական կոմիտեի նոր նախագահ: Այդ պայքարում նա գերազանցեց օլիմպիական չեմպիոն, նախկին անվանի ձողացատկորդ, ուկրաինացի Սերգեյ Բուբկային: Թոմաս Բախը դարձավ ՄՕԿ-ի 9-րդ նախագահը, որն այդ պաշտոնում փոխարինեց 12 տարի կազմակերպությունը գլխավորած Ժակ Ռոգեին: Բախն առաջիկա 8 տարիներին կգլխավորի ՄՕԿ-ը եւ պատիվ կունենա բացելու Սոչիի, Ռիո դե Ժանեյրոյի, Փխենչհանի եւ Տոկիոյի օլիմպիական խաղերը:
Թոմաս Բախն արդեն 20 տարուց ավելի ՄՕԿ-ի անդամ էրՙ հասնելով մինչեւ այդ կազմակերպության փոխնախագահի պաշտոնին: Նա նաեւ Գերմանիայի ԱՕԿ-ի նախագահն էր: Բախը հայտնի է որպես դոպինգի դեմ պայքարի ջատագով:
