Շախմատի Հայաստանի առաջին խմբի առաջնության վերջին 3 տուրերում փոխվեց մրցաշարի առաջատարը: Հիանալի ելույթի շնորհիվ Կարեն Գրիգորյանը 3 պարտիաներում վաստակելով 2,5 միավոր, շրջանցեց Տիգրան Քոթանջյանին եւ 8,5 միավորով ստանձնեց առաջատարի դերը:
9-րդ տուրում Գրիգորյանը հաղթեց Դավիթ Քալաշյանին, ապա ոչ-ոքի խաղաց Տիգրան Հարությունյանի հետ: 11-րդ տուրում Կարենը շահեց Տիգրան Քոթանջյանի հետ սկզբունքային մրցախաղը եւ նրանից միավորների տարբերությունը հասցրեց 2-ի: Քոթանջյանի համար շատ անհաջող դասավորվեցին 9-11-րդ տուրերը: Նա պարտվեց նաեւ Հովիկ Հայրապետյանին ու Դավիթ Քալաշյանին:
6,5 միավոր ունի նաեւ Լեւոն Բաբուջյանը, որը նախ հաշտություն կնքեց Արտավազդ Հայրապետյանի հետ, ապա պարտվեց Գրիգոր Դիլանյանին, իսկ 11-րդ տուրում հաղթեց Հովհաննես Գաբուզյանին: Վերջինս Հովիկ Հայրապետյանի հետ վաստակել է 6 միավոր:
