Հանրապետության պետական բուհերից միայն Երեւանի պետական համալսարանում է խախտվել առաջին կուրսի ուսանողների վարձավճարների մուծման վերջնաժամկետը, սեպտեմբերի 15-ի փոխարեն վերջնաժամկետը սահմանվել է սեպտեմբերի 6-ը:
Երեւանի պետական համալսարանի լրատվության վարչության պետ Կարեն Գրիգորյանը «Արմենպրեսին» տեղեկացրել է, որ ժամկետը կրճատելու պատճառը վարձավճարներն անկանխիկ ճանապարհով մուծելն է: «Նախկինում ուսանողներն իրենց ուսման վարձերը վճարում էին համալսարանի հաշվապահությունում, որտեղ հսկայական հերթեր էին գոյանում, այս տարվանից անկանխիկ ճանապարհով են վճարելու, ինչը կազատի նրանց արհեստական հերթերից, հետեւաբար ժամանակն էլ երկարաձգելու անհրաժեշտություն չի լինի», ասել է Կարեն Գրիգորյանը:
Այսուհետեւ ԵՊՀ-ում ուսման վարձերն անհրաժեշտ է մուծել 5-6 օրվա ընթացքում: Ստացվում է, որ ԵՊՀ-ն ուսման վարձերի թանկացմանը զուգահեռ խախտեց դրանք վճարելու վերջնաժամկետը:
