Ֆուտբոլի Հայաստանի ազգային հավաքականը սեպտեմբերի 2-ից Ավանի ֆուտբոլի ակադեմիայում կսկսի նախապատրաստվել առաջիկա ընտրական 2 մրցախաղերին: Սեպտեմբերի 6-ին մեր ընտրանին Պրահայի «Էդեն Արենա» մարզադաշտում կմրցի Չեխիայի հավաքականի հետ: Հայաստանի հավաքականը Չեխիա կմեկնի խաղի նախօրեին, իսկ հանդիպումից անմիջապես հետո կվերադառնա Երեւան ու կսկսի նախապատրաստությունը սեպտեմբերի 10-ին «Հրազդան» մարզադաշտում դանիացիների հետ կայանալիք ընտրական մրցախաղին:
Հայաստանի հավաքականի գլխավոր մարզիչ Վարդան Մինասյանը հրապարակել է սեպտեմբերյան հանդիպումներին նախապատրաստվող հավաքին հրավիրված ֆուտբոլիստների ընդլայնված ցանկը:
Դարպասապահներՙ Ռոման Բերեզովսկի («Դինամո» Մ., Ռուսաստան), Գեւորգ Կասպարով («Զոբ Ահան», Իրան), Արսեն Բեգլարյան («Գանձասար»), Գոռ Մանուկյան («Փյունիկ»), պաշտպաններՙ Ռոբերտ Արզումանյան («Ակտոբե», Ղազախստան), Կամո Հովհաննիսյան («Փյունիկ»), Լեւոն Հայրապետյան («Վիձեւ», Լեհաստան), Հրայր Մկոյան («Գանձասար»), Արթուր Ավագյան («Գանձասար»), Վարազդատ Հարոյան («Փյունիկ»), Տարոն Ոսկանյան («Փյունիկ»), Անդրանիկ Ոսկանյան («Միկա»), կիսապաշտպաններՙ Հենրիխ Մխիթարյան («Բորուսիա», Դ., Գերմանիա), Արթուր Եդիգարյան («Կայրաթ», Ղազախստան), Դավիթ Մանոյան («Փյունիկ»), Կառլեն Մկրտչյան («Անժի», Ռուսաստան), Գեւորգ Ղազարյան («Շախտյոր», Ղազախստան), Մարկոս Պիզելի («Կրասնոդար», Ռուսաստան), Արաս Օզբիլիս («Սպարտակ», Մ., Ռուսաստան), Դավիթ Հակոբյան («Շիրակ»), Կարեն Մուրադյան («Շիրակ»), Արտակ Դաշյան («Գանձասար»), Վարդգես Սաթումյան («Միկա»), hարձակվողներ` Յուրա Մովսիսյան («Սպարտակ», Մ., Ռուսաստան), Արթուր Սարկիսով («Ուրալ», Ռուսաստան), Սարգիս Ադամյան («Հանզա», Գերմանիա):
