Բարձրագույն խմբի առաջնության նորեկ Մարտունու «Ալաշկերտը» շարունակում է ամրապնդել կազմը: Իտալացի 2 ֆուտբոլիստներից հետո թիմի կազմը համալրել են եւս 3 խաղացողներ: Նրանցից առաջինը բրազիլացի Հանդերսոն Ասիս Գուիմարաեսն է, որը հանդես է գալիս ենթահարձակվողի դիրքում: 23-ամյա ֆուտբոլիստը տեղափոխվել է Բրազիլիայի 2-րդ խմբի առաջնության մասնակից «Մարանգուապեից»:
Նիգերիացի 25-ամյա Ալելե Չելեստինեն հարձակվող է: Նա Նիգերիայի «Դոլֆենս» ակումբից է: «Ալաշկերտի» 3-րդ նորեկը 19-ամյա Արթուր Շահազիզյանն է: Կենտրոնական կիսապաշտպանը հանդես էր գալիս Օմսկի «Իրտիշի» փոխարինողների կազմում:
