SDO եւ SOHO արեգակնային դիտարանները Արեգակի վրա արձանագրել են պսակաձեւ արտանետում: Ինչպես տեղեկացնում է NASA-ն, վայրկյանում 917 կմ արագությամբ դեպի Երկիր շարժվող պլազմայի վիթխարի ամպը առաջիկա օրերին կհասնի մեր մոլորակին եւ կառաջացնի մագնիսական փոթորիկներ:
ՌԴ ԳԱ Լեբեդեւի անվան ֆիզիկայի ինստիտուտի Արեգակի ռենտգենային աստղագիտության լաբորատորիայի աշխատակից Սերգեյ Բոգաչովի խոսքերովՙ սպասվում է, որ մագնիսական փոթորիկների Kp ցուցիչը կհասնի 6-7 մակարդակի (5-ից բարձրը համարվում է մագնիսական փոթորիկ): Այդ մասին հաղորդում է ՌԻԱ գործակալությունը:
Բոգաչովը նշում է, որ նման կարգի մագնիսական փոթորիկը ոչ մի կերպ չի ազդի տեխնիկայի աշխատանքի վրա. հնարավոր են ռադիոկապի ընդհատումներ միայն բեւեռային շրջաններում:
