Նորվեգական Տրոմսյո քաղաքում շարունակվող շախմատի աշխարհի գավաթի խաղարկությունում կայացան 1/8 եզրափակիչի առաջին հանդիպումները: Նախորդ փուլում Լեւոն Արոնյանին պայքարից դուրս մղած Եվգենի Տոմաշեւսկին ոչ-ոքի խաղաց Ալեքսանդր Մորոզեւիչի հետ: Հաշտություն կնքեցին նաեւ Լե Քուանգ Լիեմն ու Պյոտր Սվիդլերը, Սերգեյ Կարյակինն ու Դմիտրի Անդրեյկինը, Բորիս Գելֆանդն ու Մաքսիմ Վաշիե-Լագրավը, Հիկարու Նակամուրան ու Անտոն Կորոբովը:
Մեծ հետաքրքրություն ներկայացնող Վլադիմիր Կրամնիկի եւ Վասիլի Իվանչուկի մրցավեճում հաջողության հասավ ռուսաստանցի գրոսմայստերը: Ֆաբիանո Կարուանան հաղթեց Խուլիո Գրանդա Զունիգային, Գատա Կամսկին էլ պարտության մատնեց Շահրիյար Մամեդյարովին:
