2014-ի ֆուտբոլի աշխարհի առաջնության ընտրական մրցաշարի Հայաստան-Դանիա հանդիպումը տեղի կունենա սեպտեմբերի 10-ին «Հրազդան» մարզադաշտում: Մինչ այդ, սեպտեմբերի 6-ին ՀՀ հավաքականը կհյուրընկալվի Չեխիայում: Հենց այդ հանդիպման արդյունքով մեծապես պայմանավորված կլինի ֆուտբոլասերների թիվը «Հրազդանում», որի մուտքի տոմսերի վաճառքը սկսվեց երեկ:
Տոմսերը կվաճառվեն «Հանրապետական» մարզադաշտի հարեւանությամբ գտնվող տոմսարկղներում եւ «Հյումել» խանութների ցանցերում: Այսօրվանից տոմսերը կվաճառվեն նաեւ «Երեւան Սիթի» խանութների ցանցերում:
«Հրազդան» մարզադաշտի արեւմտյան տրիբունայի տոմսերն արժեն 8 հազար դրամ, արեւելյանինըՙ 5 հազար դրամ: Հյուսիսային եւ հարավային տրիբունաներում տեղ զբաղեցնել ցանկացողները կարող են տոմսեր գնել 3 հազար դրամով: Իսկ յարուսի տոմսերն արժեն 2 հազար դրամ:
