«ԶՎԱՐԹՆՈՑ-ԻՑ ՄԵԿՆՈՂՆԵՐԻ ԹԻՎԸ ՆՎԱԶԵԼ Է

«Զվարթնոց» օդանավակայանից մեկնողների թիվը հունվար-հունիս ամիսներին նվազել է: Այդ մասին հաղորդում է «Արմենպրեսը»ՙ վկայակոչելով ՀՀ կառավարության առընթեր քաղաքացիական ավիացիայի վարչությունից ստացված ցուցանիշները: Համաձայն դրանցՙ 2013-ի առաջին 6 ամիսներին Հայաստանից մեկնել է 363 հազար 009 մարդ, իսկ 2012-ին` 384 հազար 037 մարդ: Նույն ժամանակահատվածում Հայաստան է ժամանել 330 հազար 484 ուղեւոր, իսկ նախորդ տարի` 333 հազար 962 մարդ: Օդային ճանապարհով Հայաստանից մեկնողների եւ ժամանողների ընդհանուր թիվը 2013 թ. հունվար-հունիսին կազմում է 693 հազար 493, որը զիջում է նախորդ տարվա տվյալներին` 717 հազար 999 մարդ: