Եվրոգավաթների մրցաշարերին նախապատրաստվող «Փյունիկն» ու «Գանձասարը» Ավանի ֆուտբոլի ակադեմիայի խաղադաշտում ընկերական հանդիպում անցկացրին: Խաղն աչքի ընկավ գոլերի առատությամբ: Մրցակիցներից յուրաքանչյուրը 3-ական գնդակ խփեց: «Փյունիկից» աչքի ընկան Տարոն Ոսկանյանը (11 մ), Սարգիս Բալոյանն ու Գագիկ Պողոսյանը: «Գանձասարից» 2 գոլ խփեց Նարեկ Բեգլարյանը, մեկ անգամ էլ աչքի ընկավ թիմի նորեկ Արտակ Գրիգորյանը, որը Կապան է տեղափոխվել «Ուլիսից»:
Նոր մրցաշրջանին նախապատրաստվող Երեւանի «Արարատը» ստուգողական խաղում 2-1 հաշվով հաղթեց Հայաստանի մինչեւ 19 տարեկանների հավաքականին, որն Աբրահամ Խաշմանյանի գլխավորությամբ ուսումնամարզական հավաք էր անցկացնում Հանքավանում: Հիշեցնենք, որ մինչ այդ պատանեկան հավաքականը 0-2 հաշվով պարտվել էր «Գանձասարին»:
