Ջերմուկում ընթացող Կարեն Ասրյանի հուշամրցաշարի 5-րդ տուրում Ռոբերտ Հովհաննիսյանը նոր հաղթանակ տոնելով Վահե Բաղդասարյանի նկատմամբ, 5 միավորով շարունակում է միանձնյա գլխավորել աղյուսակը: 4-ական միավորով առաջատարին հետապնդում են Արթուր Չիբուխչյանն ու Զավեն Անդրեասյանը: Արթուրը հաղթեց Հովհաննես Գաբուզյանին, Զավենը պարտության մատնեց Արտաշես Մինասյանին:
Օտարերկրացի շախմատիստներից լավագույն արդյունքն ունեն Իսրայելը ներկայացնող Եվգենի Պոստնին, բրազիլացի Ալեքսանդր Ֆիեռը եւ բելառուս Անդրեյ Գորովեցը, որոնք ունեն 3,5-ական միավոր:
