Դիլիջանում ընթացող շախմատի Գրան պրիի 4-րդ տուրում Էլինա Դանիելյանն անհաջող խաղաց` 42-րդ քայլին սեւերով զիջելով Օլգա Գիրյային: Էլինան 4 տուրից հետո վաստակած 1 միավորով Տատյանա Կոսինցեւայի եւ Վիկտորիա Չմիլիտեի հետ եզրափակում է աղյուսակը: Կոսինցեւան պարտվեց Համպի Կոներուին, Չմիլիտեն զիջեց Աննա Մուզիչուկին: Վերջինս այդ հաղթանակի շնորհիվ 3 միավորով Նանա Ձագնիձեի ու Համպի Կոներուի հետ գլխավորեց աղյուսակը:
4-րդ տուրի մյուս 3 պարտիաներում ոչ-ոքի գրանցվեց: Հաշտություն կնքեցին Անտուանետա Ստեֆանովան եւ Բելա Խոթենաշվիլին, Նանա Ձագնիձեն ու Աննա Ուշենինան, Թուվշինթուգս Բաթչիմեգը եւ Հարիկա Դրոնավալին: Ստեֆանովան եւ Բաթչիմեգը 2,5-ական միավորով հետապնդում են առաջատարներին:
Այսօր մրցաշարի մասնակիցները հանգստանում են: Վաղը կկայանա մրցաշարի 5-րդ տուրը: Էլինա Դանիելյանը սպիտակներով կմրցի Թուվշինթուգս Բաթչիմեգի հետ: Ուշադրության կենտրոնում կլինեն նաեւ Կոսինցեւա- Ձագնիձե, Մուզիչուկ-Ստեֆանովա, Խոթենաշվիլի-Կոներու պարտիաները:
