Բուլղարիայում ընթացող շախմատի մրցաշարի 3-րդ տուրում Ռուսաստանը ներկայացնող Դավիթ Պառավյանը նոր հաղթանակ տոնեց Դանի Ռազնիկովի հետ մրցավեճում: Դավիթը 3 միավորով 8 շախմատիստների հետ գլխավորում է աղյուսակը:
2,5 միավորով 28-րդ տեղում է Ավետիք Գրիգորյանը, որը պարտության մատնեց Մարի Գոմեսին: Տիգրան Պետրոսյանը 2 միավորով 51-րդ տեղում է: Նա հաղթեց Գաբրիել Վոյտանեուին: Գրիգոր-Սեւակ Մխիթարյանը 2 միավորով 76-րդ տեղում է: Նա պարտության մատնեց Դանիել-Բոգդան Դեացին: Բուլղարիան ներկայացնող միջազգային վարպետ Վալենտին Փանբուկչյանը եւս հաղթանակ տոնեցՙ առավելության հասնելով Բորիս Գուվենի նկատմամբ: Նա վաստակել է 2 միավոր:
