Մումբայի շախմատի մրցաշարի 10-րդ տուրում ուշադրության կենտրոնում Զավեն Անդրեասյանի եւ միանձնյա առաջատար Լեւան Պանցուլայայի պարտիան էր, որն ավարտվեց ոչ-ոքի: Զավենը վաստակեց 7,5 միավոր եւ մրցաշարի ավարտական տուրից առաջ կես միավոր է զիջում աղյուսակը գլխավորող Լեւան Պանցուլայային, Միխեիլ Մչեդլիշվիլուն եւ Ֆարուխ Ամոնատովին: Վերջինիս հետ մրցավեճում Լեւոն Բաբուջյանը պարտվեց եւ 7 միավորով նահանջեց 7-րդ տեղը:
Տուրն անհաջող էր նաեւ Դավիթ Պետրոսյանի համար, որը զիջեց Ալեքսանդր Զուբարեւին: Իսկ ահա Գեւորգ Հարությունյանը հաղթելով Ռասեթ Զիաթդինովին, վաստակեց 7 միավոր: Վերջապես հաջողությունն ուղեկցեց Վահե Բաղդասարյանին, որը պարտության մատնելով Սուդակար Բաբուին, վաստակեց 6 միավոր:
Անհաջող խաղացին 4-ական միավոր ունեցող Մարիա Գեւորգյանն ու Արմինե Բաբայանըՙ զիջելով մրցակիցներին:
