Գրոսմայստեր Տիգրան Քոթանջյանը Բեյրութում անցկացված շախմատի միջազգային մրցաշարում 9 հնարավորից վաստակելով 7,5 միավոր, 65 մասնակիցների մեջ դարձավ հաղթող: Հայ շախմատիստը գերազանց մեկնարկեցՙ տոնելով 5 անընդմեջ հաղթանակ Սամիր Բոուի, Իբրահիմ Զահրոուրի, Նիզար Հարիրիի, Նասիմ Սակրի եւ Ալեքսեյ Բարսովի նկատմամբ: Նրա հաղթարշավը 6-րդ տուրում կասեցրեց ուկրաինացի Ալեքսանդր Նոսենկոնՙ ոչ-ոքի ավարտելով պարտիան: 7-րդ տուրում Տիգրանը նոր հաղթանակ տոնեց Մարվան Նասարի նկատմամբ, իսկ ահա հաջորդ պարտիայում կրեց իր միակ պարտությունը հորդանանցի Սամի Խադերից: Քոթանջյանը հաղթանակով ավարտեց մրցաշարըՙ պարտության մատնելով լիբանանցի Ահմադ Նաջարին:
7,5 միավոր վաստակեց նաեւ Ալեքսանդր Նոսենկոն, որը միայն լրացուցիչ գործակիցներով զիջեց Քոթանջյանին:
