Միչիգանի Ալեք եւ Մարի Մանուկյան թանգարանի նախաձեռնությամբ Մ. Նահանգներում լույս է տեսել «A Legacy of Armenian Treasures» (Հայկական գանձերի ժառանգություն) խորագրով 336 էջ եւ 250 գունավոր լուսանկարներ պարունակող հատորը, որտեղ ներկայացված են թանգարանի ավելի քան 150 ցուցանմուշները, հակիրճ նկարագրական տեղեկություններով: Ցուցանմուշների արվեստագիտական եւ մշակութային արժեքների մասին գրքում իրենց հեղինակավոր խոսքն են ասել ինը մասնագետները: Գրքի գործադիր խմբագիրն է հայտնի մտավորական Երվանդ Ազատյանը, խմբագրական համադրողըՙ Սիլվի Մերյանը, իսկ ընդհանուր համադրողըՙ Լյուսի Արդաշը:
Միչիգանի Ալեք եւ Մարի թանգարանը խոշորագույն գանձարանն է Հայաստանից դուրս գտնվող հայկական արվեստի եւ հուշանմուշների, ներառյալ ձեռագիր մատյանների, հնագույն գորգերի, զգեստների, մետաղադրամների եւ նկարների:
«Մենք երկար ժամանակ անկախ պետականություն չենք ունեցել, բայց մեր հոգեւորականները, բանաստեղծներն ու արվեստագետները ստեղագործել են եւ որպես ժառանգություն թողել արտակարգ գեղեցիկ արվեստի գործեր: Դա ապացուցում է, որ ինքնությունը պահպանելու դեպքում կարելի է նաեւ վերապրել ու ծաղկել օտար տիրապետությունների ներքո: Այս հատորը կենդանի վկայությունն է այդ բոլորի», նշել է այս առթիվ Ռոնալդ Գրիգոր Սյունին, Միչիգանի համալսարանից:
Նորընծա գիրք-ալբոմի մասին ավելի մանրամասնՙ առաջիկա մեր մշակութային հավելվածում:
