Այս յուրօրինակ հրաժեշտ համերգը նվիրված էր երգչախմբի բարեկամ, Հայաստանում Շվեյցարիայի դեսպան Կոնստանտին Օբոլենսկուն եւ իր ընտանիքին, որոնք շուտով հրաժեշտ են տալու մեր երկրին դիվանագիտական առաքելության ավարտի կապակցությամբ:
Հանդիսատեսը, որն արդեն վաղուց բարձր է գնահատում երգչախմբի ելույթները, այս անգամ ականատես եղավ հերթական նորամուծության: «Հայ փոքրիկ երգիչներ» միջազգային ասոցիացիան ստեղծել է նոր խումբ, որտեղ երեխաները նվագում են Presbyterian եկեղեցու եւ ամերիկացի դիրիժոր, շեփորահար, Azusa Pacific համալսարանի պրոֆեսոր Դոնավոն Գրեյի միջոցով նվիրած զանգերով: Ընդամենը տասը փորձերի ընթացքում երեխաները պատրաստեցին տասնհինգ ստեղծագործություն: Դոնավոն Գրեյը, որը մոտ 30 տարի ԱՄՆ-ում ղեկավարել է տարբեր զանգերի երգչախմբեր, հիացած էր «Հայաստանի փոքրիկ երգիչներ» երգչախմբի սաներիՙ ծրագիրն այդքան արագ յուրացնելու կարողությամբ եւ նշեց, որ նույն ոգեւորությամբ եւ հիացմունքով ներկա կգտնվի երգչախմբի Շվեյցարիայում սպասվող համերգներին:
