2023 թվականի մարտի 23-24-ը Մոսկվայում ԹԺծղ-ի խոշորագույն ցուցահանդեսային համալիրում անցկացվեց Կրթության 10-րդ հոբելյանական Մոսկվայի Կրթական Սրահը: Այսօր այն Ռուսաստանում ամենանշանակալի միջազգային ֆորումն է, որը նվիրված է գիտության եւ կրթության կարեւորագույն խնդիրներին:
Իր հոբելյանական տարում Սրահը տպավորիչ արդյունքներ ցույց տվեց. ցուցահանդեսի տաղավար այցելեցին ավելի քան 7 հազար հյուրեր, ավելի քան 100 հազար մասնակիցներ աշխարհի 80 երկրներից այցելեցին վիրտուալ ցուցահանդեսային կայքեր: Ցուցահանդեսային տաղավար եւ Սրահի վիրտուալ հարթակ այցելել են մասնակիցներ Ռուսաստանի 83 մարզերից: Ընդհանուր առմամբ ցուցահանդեսին ներկայացված են եղել Դաշնության 1100 քաղաքներ:
Ցուցահանդեսի հիմնական կազմակերպիչն ավանդաբար եղել է Ռուսաստանի Դաշնության կառավարությունը: Կազմակերպիչներ՝ Ռուսաստանի գիտության եւ բարձրագույն կրթության նախարարությունը:
2009-ի ցուցահանդեսային տաղավարում ներկայացված էին եզակի ցուցահանդեսներ Ռուսաստանի տարբեր շրջաններից, որոնց մասնակցում էին 10000 փորձագետներ աշխարհի 20 երկրներից: Սրահի լայնածավալ ծրագրի շրջանակներում մի շարք նիստերում տեղի են ունեցել հանդիպումներ, որոնց ընթացքում քննարկվել են ժամանակակից կրթության արդիական հարցեր: Տեղի են ունեցել ավելի քան 70 նիստեր եւ փորձագիտական քննարկումներ:
Հաշվի առնելով անվանի գիտնական, Հայկական էներգետիկական ակադեմիայի հիմնադիր նախագահ, Ռուսաստանի բնագիտության ակադեմիայի պրոֆեսոր, «Ազգ»-ի աշխատակից Ստեփան Պապիկյանի կատարած գիտական աշխատանքների արդիականությունը, գիտական ու մանկավարժական մեծ նշանակությունը, դրանց ամփոփագրերը ներառվել են Մոսկվայի կրթության միջազգային սալոնի 2023 թվականի կատալոգում (23-24 մարտի, 2023 թ.):
Հարկ է նշել, որ Ս.Պապիկյանը հեղինակ է ավելի քան 200 գիտական աշխատությունների եւ բազմաթիվ մենագրությունների: Նրա գիտական աշխատանքները դեռեւս Խորհրդային Միության տարիներին ներդրվել են Մոսկվայի էներգահամակարգում եւ բազմաթիվ այլ կազմակերպություններում: Նա համաշխարհային մեծ ճանաչման արժանացած վաստակաշատ գիտնական է:
2009թ. գիտամանկավարժական բազմամյա եւ բեղմնավոր գործունեության համար ստացել է Ռուսաստանի բնագիտության ակադեմիայի պրոֆեսորի գիտական կոչում: Հաշվի առնելով նրա հսկայական ծառայությունները էներգետիկայի զարգացման եւ կրթության բնագավառում նրան շնորհվել է Վերնադսկու անվան ոսկե մեդալ (Մոսկվա), իսկ 2010թ.՝ «Գիտության եւ կրթության վաստակավոր աշխատող» պատվավոր կոչում (Մոսկվա):
2019 թվականի հուլիսի 17-23-ը Հոնկոնգում, այնուհետեւ Մոսկվայում, Եվրոպական մի շարք երկրներում (Անգլիա, Գերմանիա եւ այլն) տեղի ունեցած գրքի միջազգային հեղինակավոր ցուցահանդեսներում Ս. Պապիկյանի գիտական աշխատանքները մեծ հետաքրքրություն ներկայացրեցին եւ լայն արձագանք ունեցան: Նա ՀՀ ԳԱԱ կողմից գիտամանկավարժական բազմամյա եւ բեղմնավոր գործունեության համար պարգեւատրվել է պատվոգրով: Նրա գրչին է պատկանում նաեւ Հայաստանի եւ Արցախի էներգետիկայի մասին քառահատոր գիտական մենագրությունը:
2017թ. Արցախի էներգետիկայի զարգացման գործում ունեցած ծանրակշիռ վաստակի համար Պապիկյանը պարգեւատրվել է ԱՀ-ի պետական պարգեւով` «Երախտագիտություն» մեդալով:
