Հուլիսի 10-ին ժամը 18.30-ին «Ցեղասպանությունը հիշելով» նախաձեռնության անդամները բողոքի հանրահավաք են հրավիրել Քյոլնում՝ ի պաշտպանություն Հայոց ցեղասպանությունը խորհրդանշող «Նուռ» հուշարձանի պահպանման: Քյոլնի քաղաքապետ Հենրիետե Ռեքերի որոշմամբ, հիմք ընդունելով դատարանի մերժման վճիռը, հուլիսի 10-ից հետո հուշարձանը դարձյալ պիտի ապամոնտաժվի Հոհենցոլլերնբրյուքե հրապարակից: Հունիսի 16-ին «Ազգ»-ում «Քյոլնի քաղխորհուրդը սատարում է՝ «Նուռն» (առայժմ) իր տեղում կմնա» վերնագրում արդեն զգուշավոր էր մեր լավատեսությունը, թե հունիսի 15-ին քաղխորհրդի՝ հուշարձանի նույն վայրում մնալու միաձայն որոշումն այլեւս վերջ կդնի 5 տարի շարունակ «Նուռը» դնել-հանելու՝ զոհերին ու նրանց հիշատակը նսեմացնող ձեռնածությանը: Այլեւս ակնհայտ է՝ ուրացման թուրքական ծրագրին տուրք տալիս է Քյոլնի քաղաքապետը:
ԱՆԱՀԻՏ ՀՈՎՍԵՓՅԱՆ
