Ֆրանսիայի նախագահ Էմանուել Մակրոնն արդեն սկսել է ԵՄ գործընկեր երկրների հետ ավելի սերտ փոխանակման՝ մայիսին ծագած գաղափարն այժմ, ըստ երևույթին գործարկել: «Ազգ»-ում ժամանակին ծանուցել ենք քաղաքական նոր համայնքի՝ ԵՄ+17 ծրագրերի մասին, որն առավել հստակ է ուրվագծվում, երբ ծանոթանում ենք գերմանական dpa գործակալության պարզաբանմանը, թե խոսքը հոկտեմբերի 6-ին Պրահայում կայանալիք 44 երկրի նախագահների եւ վարչապետների հյուրընկալմամբ հանդիպման մասին է, որին հոկտեմբերի 7-ին հաջորդելու է ԵՄ ոչ պաշտոնական գագաթաժողովը:
Հոկտեմբերի 6-ին նախատեսված հավաքին ԵՄ 27 երկրի հետ հրավիրված են նաեւ Ուկրաինան, Թուրքիան, Մեծ Բրիտանիան եւ Շվեյցարիան: Նորվեգիան, Իսլանդիան, Լիխթենշթեյնը, Մոլդովան, Վրաստանը, Հայաստանը, Ադրբեջանը, ինչպես նաեւ արեւմտյան բալկանյան պետություններից Սերբիան, Մոնտենեգրոն, Հյուսիսային Մակեդոնիան, Ալբանիան, Բոսնիա-Հերցեգովինան եւ Կոսովոն ցանկալի մասնակից են:
Գերմանիան սատարում է Ֆրանսիայի վերոհիշյալ ծրագրին:
ԱՆԱՀԻՏ ՀՈՎՍԵՓՅԱՆ
Գերմանիա
