Մոտ ապագայում Բրազիլիան, «Ռոսատոմ» պետական կորպորացիայի հետ համատեղ, կսկսի փոքր ատոմակայանների (ԱԷԿ) շինարարությունը: Այս մասին վերջերս հայտարարեց Հարավամերիկյան Բրազիլիայի հանքարդյունաբերության եւ էներգետիկայի նախարարը: Նրա խոսքով՝ ներկայում «Ռոսատոմը» աշխարհում միակ ընկերությունն է, որն ունի փոքր միջուկային ռեակտորներ առեւտրային օգտագործման մեջ:
Նախարարը նման ռեակտորների առավելություններից մեկը անվանեց «էներգիա արտադրելու արդյունաբերական ձեռնարկությունների ներսում» հնարավորությունը: Նա ընդգծեց, որ սա օգտակար է նրանց համար, ովքեր մեծ քանակությամբ էներգիա են պահանջում: Այս կերպ հնարավոր է էներգիա արտադրել այնտեղ, որտեղ դրա կարիքը կա: Նրա խոսքով՝ կարեւոր է նավթային էլեկտրակայանները փոխարինել ատոմայիններով, քանի որ սա մաքուր էներգիա է, որը չի աղտոտում շրջակա միջավայրը: Բացի այդ, նախարարը աջակցություն է հայտնել Բրազիլիայում Անգրա-3 ԱԷԿ-ի շինարարության վերսկսմանը՝ այսպես կոչված անվտանգ կառավարման մոդելի կիրառմամբ:
ՍՏԵՓԱՆ ՊԱՊԻԿՅԱՆ
