«Ազգ»ի գրադարանը հարստացավ եւս մեկ արժեքավոր գրքով՝ հայ բանահյուսության անխոնջ հավաքորդ ու հետազոտող Վերժինե Սվազլյանի նոր աշխատությունը՝ «Ռուսաստանի հայերի բանավոր ավանդույթի նշխարներ» վերնագրով:
Վաստակաշատ բանահավաքը այս անգամ ի մի է բերել Դոնի Ռոստովի եւ Պյատիգորսկի հայերի հին եւ համեմատաբար նոր ժողովրդական ստեղծագործությունները, որոնք գրի են առնվել իր կողմից:
Նոր Նախիջեւանի հիմնադրման 240-ամյակին նվիրված եռալեզու՝ հայերեն, ռուսերեն եւ անգլերեն գիրքը (247 էջ) լույս է տեսել ՀՀ ԳԱԱ հնագիտության եւ ազգագրության ինստիտուտի գիտխորհրդի որոշմամբ, «Էդիտ պրինտ» տպագրատանը, խմբագրությամբ ԳԱԱ թղթակից անդամ Սարգիս Հարությունյանի, ռուսերեն թարգմանությամբ Գայանե Հարությունյանի, իսկ անգլերեն՝ Տիգրան Ծուլիկյանի:
