Փետրվարի 14-ին ԱՄՆ պետքարտուղար Մարկո Ռուբիոն Մյունխենի անվտանգության համաժողովում ԱՄՆ-ի առաջնահերթությունները ներկայացնելուց, Մեծ յոթնյակի երկրների արտգործնախարարների հետ հանդիպումներից հետո, փետրվարի 15-18-ին այցելելու է Իսրայել, Սաուդյան Արաբիա, Արաբական Միացյալ Էմիրություններ, ծանուցում է Գերմանիայում լույս տեսնող հրեական «Յուդիշե ալգեմայնե» թերթը: ԱՄՆ պետքարտուղարի այցի գլխավոր նպատակը, ըստ հիշյալ թերթի, «հրեա պատանդների ազատարձակումն է, Իսրայելի եւ Համասի միջեւ հրադադարի երկրորդ փուլի մանրամասների քննարկումը», ինչպես նաեւ՝ «Իրանի եւ նրա դաշնակիցների՝ տարածաշրջանն ապակայունացնող գործողությունների դեմ ձեռնարկելիք քայլերը»: Շաբաթ օրը լրանում է Իսրայելի վերջնագիրը. Եթե մինչ այդ Համասը չազատի պատանդների հաջորդ խմբին, իսրայելական բանակը կարող է վերսկսել պայքարն «ահաբեկիչների» դեմ, սպառնացել է վարչապետ Բենիամին Նեթանյահուն:
ԱՆԱՀԻՏ ՀՈՎՍԵՓՅԱՆ
Գերմանիա
