Օմանի ծոցում մարտի 15-ից ի վեր Չինաստանի, Ռուսաստանի եւ Իրանի զորավարժությունները շարունակվելու են մինչեւ կիրակի՝ մարտի 19-ը: Թեեւ սա առաջին անգամ չի անցկացվում, սակայն արեւմտյան բազմաթիվ երկրների մտահոգության պատճառը դրանց այս պահին՝ ՌԴ-ի՝ Ուկրաինայի դեմ ծավալած պատերազմի ժամանակ իրագործումն է: Գերմանական ARD-ի Պեկինի թղթակցի հայացքով, ժողովրդավար Արեւմուտքին անհանգստացնում է նաեւ այն հանգամանքը, որ 3 երկրներն էլ ավտոկրատ են: Նույն աղբյուրը հաղորդում է, թե տեղի ԶԼՄ-ները հավանական են համարում, որ Սի Ցզինպինը առաջիկա շաբաթներին Մոսկվայում հանդիպելու է Պուտինին: Ավելի վաղ՝ մարտի 14-ին, Պեկինն էր խիստ դատապարտել ԱՄՆ-ի, Մեծ Բրիտանիայի, Ավստրալիայի համաձայնությունն առ այն, որ ավստրալական նավատորմը պիտի համալրվի ատոմային սուզանավերով:
ԱՆԱՀԻՏ ՀՈՎՍԵՓՅԱՆ, Գերմանիա
