2025թ. մայիսի 5-ին ՀՀ գիտությունների ազգային ակադեմիայում մեկնարկեց «Կենսաբազմազանություն, պահպանություն եւ կլիմայի փոփոխություն» միջազգային գիտաժողովը, որը կազմակերպել են ՀՀ ԳԱԱ կենդանաբանության եւ հիդրոէկոլոգիայի գիտական կենտրոնը ու Երեւանի պետական համալսարանը: Գիտաժողովը համախմբել էր 100-ից ավել գիտնականների ու մասնագետների շուրջ 20 երկրներից, ովքեր քննարկում էին կենսաբազմազանության պահպանության եւ կլիմայական փոփոխություններին առնչվող հիմնախնդիրներն ու գործնական լուծումները:
Միջոցառումը նպատակ ուներ զարգացնելու միջազգային եւ միջգիտակարգային համագործակցությունը: Հարկ է նշել,որ Հայաստանը կենսաբազմազանությունը տեսնելու լավագույն վայրերից մեկն է:
Գիտաժողովի մասնակիցներին ողջունեցին դոնոր կազմակերպությունների՝ ղեկավարները: Գիտաժողովում ներկայացված էին գիտական զեկուցումներ Հայաստանի թռչնաշխարհի պոպուլյացիաների, չզջիկների, սարդերի եւ մողեսների բազմազանության, մարդ-վայրի բնություն հակամարտության, անողնաշարավորների եւ մակաբույծների, բույսերի եւ սնկերի կենսաբազմազանության, Սեւանա լճի ճահճացման դինամիկայի, ջրային կենսաբազմազանության պահպանման, Հայաստանի անտառների, կլիմայական գործընթացների, ինչպես նաեւ կենսաբազմազանության եւ կայուն զարգացման վերաբերյալ:
ՍՏԵՓԱՆ ՊԱՊԻԿՅԱՆ
