Վերջերս ՀՀ գիտությունների ազգային ակադեմիան հյուրընկալեց չինական Նանջինգի օդագնացության եւ տիեզերագնացության համալսարանի (NUAA), EDA տեխնոլոգիական նորարարությունների ազգային կենտրոնի եւ Հարավարեւելյան համալսարանի (NCTIEDA&SEU) եւ EDA Ecosystem Development Accelerator-ի (EDA) պատվիրակություններին: Պաշտոնական այցի շրջանակում կնքվեց համագործակցության շրջանակային համաձայնագիր էլեկտրոնային նախագծման ավտոմատացման ոլորտում համագործակցության զարգացման նպատակով:
Այս համագործակցության շրջանակում էլեկտրոնային նախագծման ավտոմատացման ոլորտում կիրականացվեն անձնակազմի փոխանակման ծրագրեր, համատեղ հետազոտություններ, մասնագետների վերապատրաստում, փոխշահավետ այլ ծրագրեր: Միջոցառումն արժեքավոր հնարավորություն է գիտնականների միջեւ ավելի սերտ համագործակցությունը խթանելու համար:
Կարեւորվեց չինական կողմի հետ համագործակցության զարգացումը: ՀՀ ԳԱԱ-ն Չինաստանի տարբեր գիտական կազմակերպությունների հետ ունի կնքված բազմաթիվ պայմանագրեր: Էլեկտրոնային նախագծման ավտոմատացման ոլորտում հետազոտությունների խթանումը կարող է զգալի դեր ունենալ Հայաստանի գիտական եւ տեխնոլոգիական զարգացման համար:
ՍՏԵՓԱՆ ՊԱՊԻԿՅԱՆ
