Լույս տեսավ Արծվի Բախչինյանի «Ռուբեն Մամուլյան. Արվեստագետը եւ հայը» աշխատությունը
253 էջանոց աշխատությունը նվիրված է մեծանուն ռեժիսոր, համաշխարհային ու հատկապես ամերիկյան կինոյում իր բազմաթիվ նորարարություններով հայտնի, դասական իր գործերով համաշխարհային ճանաչման ու գնահատականի արժանացած բեմադրիչ Ռուբեն Մամուլյանի կյանքին ու գործին։
Լուսանկարներով հարուստ գիրքը հրատարակվել է Եղիշե Չարենցի անվան գրականության եւ արվեստի թանգարանի մատենաշարով, «Ոսկան Երեւանցի» տպագրատանը, խմբագրությամբ հեղինակի հոր՝ գրականագետ, բանասիրական գիտությունների դոկտոր Հենրիկ Բախչինյանի։
Շնորհավորում ենք։
