2023թ, Թուրքիայում ծրագրում են «Baykar savunma» ընկերության կողմից նախագծվող անօդաչու կործանիչի առաջին թռիչքն իրականացնել: Ընկերության տնօրեն Սելջուկ Բայրաքթարն օրերս խոսել է անօդաչու կործանիչի մասին՝ նշելով դրա մի քանի առանձնահատկությունները:
Թուրքիայի Գեբզեի համալսարանի ուսանողների հետ հանդիպման ժամանակ Բայրաքթարը հայտարարել է, որ նոր «Bayraktar TB3» հարվածային անօդաչու թռչող սարքերը (ԱԹՍ) և անօդաչու կործանիչները հեղափոխություն են անելու ռազմական պատմության մեջ՝ դա համեմատելով 44-օրյա պատերազմում «Բայրաքթար TB2» ԱԹՍ-ների դերի հետ, որոնք ըստ իրեն՝ բեկումնային ազդեցություն են ուենցել արցախյան վերջին պատերազմում:
Հիշեցնենք, որ Արցախյան երկրորդ պատերազմի թուրք-ադրբեջանական տանդեմը կիրառեց մեծ քանակով «Բայրաքթար» անօդաչու թռչող հետախուզական-հարվածային սարքեր, որոնցից 10 հատը, ըստ մեր պաշտպանական գերատեսչության, խփվել է հայկական զինուժի կողմից: Այսօր էլ նույն սարքերը կիրառվում են Ուկրաինայում՝ ռուսական բանակի դեմ:
Գ. Գ.
