Օրերս Արցախի Հանրապետության երեւանյան ներկայացուցչական գրասենյակից շնորհակալությամբ ստացանք «Ադրբեջանի ցեղասպանական վարքը. պատմություն եւ արդիականություն» խորագրով գիրք-ժողովածուն, որում ամփոփված են 2020 թ. հուլիսի 15-16-ը Շուշիում կազմակերպված միջազգային առցանց գիտաժողովի նյութերը: Գիտաժողով՝ որը կազմակերպվել էր Շուշիի հայ բնակչության Ցեղասպանության 100-րդ տարելիցի առթիվ:
549+ էջանոց ժողովածուն, որը կազմել եւ խմբագրել է Մհեր Հարությունյանը, հրատարակվել է 2021 թ.ին Երեւանում, «Էդիթ պրինտ» հրատարակչատանը, մեկենասությամբ Հայ եկեղեցու Գերմանիայի թեմի:
Գրքում զետեղված զեկուցումների մեծ մասը հայերեն է, իսկ մնացածը՝ ռուսերեն եւ անգլերեն: Պատմական եւ նորօրյա լուսանկարների կողքին բազմաթիվ են արխիվային նյութերի եւ փաստագրական ցուցակների վերատպությունները:
