Այսօր՝ ապրիլի 28-ին ժամը 19.30-ին Քյոլնի մայր տաճարին մերձակա Դոմֆորում սրահում կկայանա «Լեռնային Ղարաբաղի քրիստոնեական վտանգված մշակույթը» վերնագրով բանախոսությունը, որը կազմակերպել են Գերմանիայի ավետարանական եկեղեցին, Գերմանիայի եպիսկոպոսաց կոնֆերանսը (Deutsche Bischofskonferenz), Գերմանահայոց թեմը: Մասնակցում են Մարկուս Գրիմմը, Գերմանահայոց թեմի առաջնորդ Սերովբե եպս. Իսախանյանը, Հարալդ Զյուրմաննը, միջազգային իրավունքի մասնագետ Սառա Բաբայանը, Մայր աթոռ սուրբ Էջմիածնից՝ Յասմին Դում Թրագութը, Գարեգին վրդ. Համբարձումյանը: Հանդիսությունը վարելու է Մարկուս Մեկելը: Իսկ վաղը՝ ապրիլի 29-ին ժամը 19.30-ին Քյոլնի Հայ տանը Գերմանահայոց առաջնորդարանը կազմակերպել է «Հայաստան եւ Արցախ՝ հին ու նոր մարտահրավերներ» բանախոսությունը: Ելույթ կունենան մշակութաբան, հուշարձանագետ դոկտ. պրոֆ. Համլետ Պետրոսյանը, ՀՀ նախկին ՄԻՊ Արման Թաթոյանը, Ս.Էջմիածնի Արցախ հանձնախմբի պատասխանատու Գարեգին վրդ. Համբարձումյանը:
ԱՆԱՀԻՏ ՀՈՎՍԵՓՅԱՆ
Գերմանիա
