Տավուշի մարզի սահմանապահ Այգեձոր գյուղը արդեն նորակառույց եկեղեցի ունի:
Տավուշի թեմի առաջնորդ Գերաշնորհ Տեր Բագրատ արք. Գալստանյանի օրհնությամբ եւ ձեռամբ իրականցվեց Այգեձորի նորակառույց եկեղեցու գմբեթի խաչի օծման արարողությունը: Գինով եւ ջրով լվացվեց խաչը, ապա սուրբգրային ընթերցվածքներից ու աղոթքներից հետո սրբալույս մյուռոնով օծվեց այն: Նորակառույց եկեղեցին կլինի Այգեձոր համայնքի բնակիչների համար հոգեւոր կենտրոնը:
Այգեձոր գյուղը գտնվում է Հայաստանի Հանրապետության Տավուշի մարզում`, Բերդ քաղաքից մոտ 8 կմ հարավ-արեւելք, Աղնջա գետի ափե-րին:Բարձրությունը ծովի մակարդակից կազմում է 900-650 մ,միջինը՝ 780 մ: Բնակչությունը 2011թ. կազմել է 2044 մարդ:
Եկեղեցու կառուցման գործում մեծ ներդրում են ունեցել ծնունդով այգեձորցի Սամվել Ղարախանյանն ու իր ընտանիքը:Միջոցառմանը ներկա էին հոգեւոր այրեր, եկեղեցու շինարարությանը մասնակցող շինարարներ եւ բնակիչներ:
ՍՏԵՓԱՆ ՊԱՊԻԿՅԱՆ
