«Ուրախալի է, որ Հռոմի Լեոն XIV քահանայապետին հասու է դարձել 2024-ին Բեռլինում Ադրբեջանի դեսպանության հրատարակած «Քրիստոնեական կյանքն Ադրբեջանում» անգլերեն, գերմաներեն ժողովածուն: Այն ներկայացվել է Ալլահշուքուր Փաշազադեի գլխավորած Ադրբեջանի միջկրոնական պատվիրակության՝ Վատիկան այցի շրջանակներում: Ժողովածուն ամփոփում է Ադրբեջանի հարուստ քրիստոնեական ժառանգությունը»: Սա Բեռլինում դեսպան Աղաեւի փետրվարի 10-ին X-ում տարածած տեղեկատվությունն է՝ կից լուսանկարներով: Նկատելի է այսպես կոչված ալբանաուդիական քրիստոնեական համայնքի ղեկավար Ռոբերտ Մոբիլի մեծամիտ հայացքը՝ Հռոմի պապի հետ «սուրբ կույս Մարիամ ալբանաուդիական եկեղեցու» պատկերով սփռոցը պահելիս: Ադրբեջանում կա՞ այդպիսի եկեղեցի, թե՞ հայկական է, որ տրվել է այդ համայնքին: «Քրիստոնեական կյանքն Ադրբեջանում» գրքին կանդրադառնանք:
ԱՆԱՀԻՏ ՀՈՎՍԵՓՅԱՆ
Գերմանիա
