Ապրիլի 14-ին «Հասանելի համայնքային սոցիալական ծառայություններ» CLASS ծրագրի շրջանակներում կազմակերպած պանելային քննարկումը մեկ հարկի տակ էր միավորել սոցիալական աշխատողներին եւ ՏԻՄ ներկայացուցիչներին:
Միջոցառման մասնակիցները ներկայացրեցին համայնքի սոցիալական աշխատանքի ինստիտուտի ներդրման գործընթացը, սոցիալական պաշտպանության համակարգի խնդիրները եւ տեսլականը:
Հայաստանի սոցիալական աշխատողների ասոցացիայի նախագահ Միրա Անտոնյանը, խոսելով սոցիալական աշխատողների մասնագիտական կրթության եւ վերապատրաստումների կարեւորությունից, ընդգծեց համագործակցության դժվարությունների մասին այնպիսի ղեկավարների հետ,որոնք իրենց հայացքները չեն կիսում, այդ պատճառով նրանք չեն կարողանում հարցեր առաջ տանել եւ որոշումներ ընդունելիս միայնակ են մնում:Նախագահը նշեց.«Օրենքը սա թույլ չի տալիս.սոցիալական աշխատողները օրենք շատ են հարգում, բայց վանդակի մեջ չեն մտնում,իրենք ազատ են իրենց մտածողության մեջ, որովհետեւ ոչ մի օրենք սեպագիր չէ»:
Հրազդան համայնքի սոցիալական աշխատող Արմեն Այվազյանը խոսեց սոցաշխատողի դերի, աշխատանքի դիմաց քիչ վարձատրության եւ այլ բացերի մասին: Նրա խոսքով այդ աշխատանքը կարելի է համարել քիչ վարձատրվող, բայց չկրկնվող: Երեւանի քաղաքապետարանի երեխաների եւ սոցիալական պաշտպանության վարչության պետ Լուսինե Հովհաննիսյանը քննարկաման ընթացքում նշեց` ծրագրի միջոցով Երեւան քաղաքը երեխաների պաշտպանության մասով հզորացնելու անհրաժեշտության մասին: Իր հերթին, «Համայնքների ֆինանսիստների միավորում» ՀԿ-ի նախագահ Վահան Մովսիսյանը խոսեց տեղական ինքնակառավարման մարմինների կողմից համայնքներին թերի մոտեցման,եւ սոցիալական աշխատողներին որպես հրեշտակներ ընկալելու մասին: Նրա խոսքով տպավորություն է, որ համայնքից անընդհատ պահանջում են,սակայն ոչ մեկի մտքով չի անցնում թե ով է տալու այդ ամենի գումարը: «Տպավորություն է, որ ում խելքին ինչ փչում գրում է,ոչ մեկը չի դիտարկում այն հանգամանքը, որ համայնքի լիազորություններն անսահմանափակ չեն»:
ՀԿ նախագահն իր խոսքում նշեց, որ շատ կարեւոր է լիազոր մարմինների աջակցությունը, չի լինելու այնպես, որ առանց աջակցության պահանջեն համայնքից, այդ դեպքում մենք ունենք բոլոր իրավունքները՝ սահմանադրական դատարանում դատի տալու համար:
«Տվե՛ք լիազորություն, օգնե՛ք, աջակցե՛ք, եթե չեն կատարի իրենց առջեւ դրված խնդիրը՝ կախե՛ք, գնդակահարե՛ք»,- նշեց նախագահը:
Հեղինակներ`
ՍՅՈՒԶԻ ԴԱՎԹՅԱՆ
ԼԻԼԻԹ ՄՈՒՐԱԴՅԱՆ
