Կենսալաբորատորիաներում կենսաբանական զենք է մշակվե՞լ

Ռուսաստանի պաշտպանության նախարարության խոսնակ Իգոր Կոնաշենկովը լրատվամիջոցներին հայտնել է Ուկրաինայի՝ ամերիկյան ֆինանսավորմամբ կենսալաբորատորիաներում կորոնավիրուսով չղջիկների վարակման հետ կապված փորձարկումների մասին։ Ընդ որում՝ ուսումնասիրվել է նաեւ Ռուսաստանի եւ Ուկրաինայի, ինչպես նաեւ հարեւան այլ երկրների միջեւ գաղթող թռչունների կողմից պաթոգենների տեղափոխումը։ Ըստ խոսնակի փոխանցած տեղեկության, այդպիսի ուսումնասիրություններ Պենտագոնը կատարել է ոչ միայն Ռուսաստանի սահմանների մոտ գտնվող ուկրաինական լաբորատորիաներում, այլեւ Թբիլիսիի Լուգար կենտրոնի գաղտնի լաբորատորիայում, 2017 թվականից սկսած, սա հայտնի է դարձել ՌԻԱ Նովոստի գործակալության լրագրողների ուսումնասիրության արդյունքում։ Ուսումնասիրելով ամերիկյան բաց աղբյուրների փաստաթղթերը՝ պարզվել է նաեւ, որ տարբեր երկրներում տեղակայված իր կենսալաբորատորիաների համար ԱՄՆ-ը հատկացրել է ընդհանուր 10,2 մլն դոլար, դրանից 6,5 մլն դոլարը՝ Հայաստանում, Ադրբեջանում, Թուրքիայում, իսկ 3,7 մլն դոլարը՝ Չինաստանում գործող լաբորատորիաների համար։