Օրերս Հայաստանի պետական մանկավարժական համալսարանի Կուլտուրայի ֆակուլտետում տեղի ունեցավ «Լույս ու ստվեր» խորագրով ցուցահանդեսի ամփոփումը: Կարեւորվեց լուսանկարչության դերը եւ լուսանկարչի էթիկան արդի ժամանակներում: Բացման խոսքով հանդես եկավ ցուցահանդեսի կազմակերպիչներից, ՀՊՄՀ Կուլտուրայի ֆակուլտետի Օպերատորության, գեղարվեստական լուսանկարչության եւ ՍՄԳ ամբիոնի վարիչ Ռուբեն Երզնկյանը խոսելով ցուցահանդեսի մասին: Ցուցահանդեսի կազմակերպիչներից, ՀՊՄՀ Կուլտուրայի ֆակուլտետի Օպերատորության ,գեղարվեստական լուսանկարչության եւ ՍՄԳ ամբիոնի ասիստենտ Արմեն Խաչատրյանը հիմնավորեց սիստեմավորված դասավանդման գործոնը մասնագիտացված լուսանկարիչ պատրաստելու գործի կարեւորությունը:
«Լույս ու ստվեր» խորագրով ցուցահանդեսում ներկայացված են 34 ուսանողների եւ շրջանավարտների 120 տպագրված աշխատանքներ:Ռուբեն Երզինկյանը հավելեց,որ սա ամբիոնում կատարված աշխատանքի ամփոփումն է: Ցուցահանդեսն ունի նաեւ էլեկտրոնային տարբերակ ներկայացված ASPU Photo gallery-ում, որտեղ ներկայացված են նույն հեղինակների 150-ից ավել լուսանկար: Էլեկտրոնային հարթակի վրա՝ ՀՊՄՀ շրջանավարտ Արամ Խաչատրյանի ջանքերով: ՀՊՄՀ Կուլտուրայի ֆակուլտետի դեկան Գեւորգ Թադեւոսյանը ողջույնի խոսք ուղղեց ցուցահանդեսի կազմակերպիչներին Ռուբեն Երզինկյանին եւ Արմեն Խաչատրյանին: Ֆակուլտետի կողմից շնորհակալագրեր ստացան ցուցահանդեսի կազմակերպիչներն ու մասնակիցները:
ՀՊՄՀ Կուլտուրայի ֆակուլտետի Երաժշտության ամբիոնի վարիչ, կոմպոզիտոր Արա Գեւորգյանը կարեւորեց լուսանկարչության արտահայտչամիջոցները ու կարողությունը անմահացնելու մեր քաղաքի պատմությունը:
Ցուցահանդեսին հրավիրված էին Երեւանի տարածաշրջանային թիվ 1 քոլեջի լուսանկարչական գործ մասնագիտությամբ սովորող ուսանողները, որոնց համար ամբիոնը կազմակերպում է վարպետաց դասեր: Առաջարկվեց համատեղ լուսանկարչական ցուցահանդեսներ անցկացնել Երեւանի տարածաշրջանային թիվ 1 եւ Շառլ Ազնավուրի անվան արվեստի եւ մշակույթի պետական քոլեջների հետ:
Միջոցառման ընթացքում ելույթ ունեցան գեղարվեստական լուսանկարչություն բաժնի 1-ին եւ 4-րդ կուրսի ուսանողները, ծնողները: Բոլոր նման միջոցառումները միտված են գեղարվեստական լուսանկարչությունը ծառայեցնելու իրական նպատակին, բարձրացնելով գեղարվեստական ճաշակն ու գեղեցիկի ընկալումը:
