Լույս է տեսել անվանի գիտնական, հայկակական էներգետիկական ակադեմիայի հիմնադիր նախագահ, Ռուսաստանի բնագիտության ակադեմիայի պրոֆեսոր «Ազգ»-ի երկարամյա աշխատակից Ստեփան Պապիկյանի գրքույկը «Հելիոէներգետիկայի արդի վիճակը եւ զարգացման հեռանկարները Հայաստանի Հանրապետությունում» վերտառությամբ:
Գրքույկում մասնավորապես նշված է` «Հայաստանն ունի արեւային էներգիայի մեծ ներուժ: 1մ քառակուսի հորիզոնական մակերեւույթի վրա արեւային էներգիայի հոսքի միջին տարեկան արժեքը կազմում է 1720 կՎտժ (միջին Եվրոպականը` 1000 կՎտժ), իսկ Հանրապետության տարածքի մեկ քառորդն օժտված է 1850 կՎտժ/մ քառակուսի տարի ինտենսիվությամբ արեւային էներգիայի պաշարներով: Նախատեսված է ՀՀ Գեղարքունիքի մարզի Մասրիկ տեղանքում կառուցել Մասրիկ-1 արդյունաբերական մասշտաբի արեւային ֆոտովոլտային կայան՝ 55 ՄՎտ պիկային հզորությամբ: Այնուհետեւ հաջորդելու են եւս 5 կայանների կառուցումը՝ ընդհանուր մոտ 60 ՄՎտ հզորությամբ»:
Հեղինակը գտնում է, որ անհրաժեշտ է մշակել Հայաստանի Հանրապետությունում հելիոէներգիայի զարգացման կարճաժամկետ եւ երկարաժամկետ գիտականորեն հիմնավորված ծրագիր: Հաշվի առնել բոլոր մարտահրավերները: Այն անխզելիորեն պետք է կապված լինի ՀՀ-ում մշակված էներգետիկայի ոլորտի զարգացման ծրագրի հետ,կազմակերպել ուսուցման դասընթացներ արեւային կայանների շահագործման անձնակազմի գետելիքների բարձրացման համար:Անհրաժեշտ է ՀՀ սահմանամերձ բնակավայրերի համար ունենալ հարկային նոր քաղաքականություն, որը կնպաստի բնագավառի զարգացմանը:
Գրքույկը նախատեսված է ոչ միայն սովորողների, այլ նաեւ ընթերցող լայն շրջանների համար:
