Hripsime Arakelian-ը ֆեյսբուքում գրել է՝ այս նկարը ցույց տալով, թե սա ինչ-որ մի «Խրլաքյան» ընտանիք է, 1908 թ. ճոխ խնջույքի ժամանակ, Պոլսում, ասելով թե մինչ այդ Ադանայի ջարդեր էին տեղի ունենում:
Իմ կողմից ասեմ, որ լուսանկարում տեսնվածը իմ ընտանիքն է:
Աղեքսանդրիա, Եգիպտոս, 1899-ին: Բաբազյան, Թյուրապյան, երեխաներից մեկի կնունքի առթիվ, Նուպար փաշայի այգում: Կնունքի հավաք է: Եգիպտահայությունը ընդհանրապես, դաժան տարիներին եղել է ՄԻԱԿ գաղութը, որը կարողացել է ամեն ինչով սատարել Կիլիկիայում կատարվող ողբերգության զոհերին: Ահա ա՛յս տեսակ մարդիկ են հասել ավելի ուշ Ադանայի եւ Մեծ եղեռնի գաղթականներին, նա՛խքան Լիբանանը, նա՛խքան Սուրիան: Դեռ չնշենք որ Հայ Բարեգործական Ընդհանուր Միությունը կամ Համազգային Մշակութային Միությունը հիմնել են ԵԳԻՊՏԱՀԱՅԵՐԸ: Այս լուսանկարի մարդիկ, իմ հարազատ ընտանիքը, տվել են Միհրան Տամատյանի պես ազգային հերոսներ, Գասպար Իփեքյանի պես անձնավորություններ, որոնք արյուն ու կյանք են նվիրել ազգային պետականության եւ մշակույթի պահպանման գործին:
ԺԻՐԱՅՐ ՓԱՓԱԶՅԱՆ, ռեժիսոր, դերասան
