Վերջերս Ռուսաստանի Գ. Վ. Պլեխանովի անվան տնտեսագիտության համալսարանի Երեւանյան մասնաճյուղում տեղի ունեցավ «Տնտեսության թվայնացում. նախադրյալներ, միտումներ, հեռանկարներ» գիտագործնական ուսանողական կոնֆերանսը, որին մասնակցում էին բակալավրիատի եւ քոլեջի ուսանողները:
Երեւանի մասնաճյուղի տնօրեն Թ. Վարդանյանը ընդգծեց համաժողովի նպատակը՝ թվային տրանսֆորմացիայի ոլորտում ուսանողների ներգրավման կարեւորությունը ժամանակակից տնտեսության զարգացման համար եւ բարձր որակավորում ունեցող կադրերի պատրաստման անհրաժեշտությունը, որոնք ունակ են արդյունավետ աշխատելու թվայնացման պայմաններում:
Համաժողովի ընթացքում ուսանողները ներկայացրեցին զեկույցներ նորարար կառավարման, կառավարման եւ կադրերի զարգացման ժամանակակից մեթոդների, թվային տնտեսության եւ արհեստական ինտելեկտի վերաբերյալ:
Համաժողովի բոլոր մասնակիցներին կտրվեն էլեկտրոնային վկայականներ: Որախալի է, որ ուսանողները ակտիվ մասնակցություն են ունենում գիտագործնական գիտաժողովին եւ բարձրացնում իրենց գիտելիքներն այս բնագավառում:
ՍՏԵՓԱՆ ՊԱՊԻԿՅԱՆ
