Հունվարի 26-ին «Միջազգային համաներում» կազմակերպությունն ահազանգում էր կեղծ մեղադրանքներով ձերբակալված «Մեյդան» հեռուստաընկերության 12 ադրբեջանցի լրագրողներից առնվազն 3-ին անհապաղ բուժօգնությունից զրկելու մասին, պահանջում անհապաղ ազատ արձակել լրագրողներին: Հունվարի 28-ին «Լրագրողներ առանց սահմանների» կազմակերպությունը ժամը 10-18-ը Բեռլինում բողոքի հանրահավաք, ելույթներ, մամուլի ասուլիս էր հրավիրել Ալեքսանդրպլացում: Բեռլինի, Փարիզի եւ Բեռնի կենտրոնում ինտերակտիվ միջոցներով՝ ադրբեջանական բանտախցերը կրկնօրինակելով ներկայացվում էին ադրբեջանցի 25 անկախ լրագրողների բանտարկության դաժան պայմանները: Մամուլի ազատության ներկայիս ինդեքսում Ադրբեջանը 180 երկրների շարքում 167-րդ տեղում է:
ԱՆԱՀԻՏ ՀՈՎՍԵՓՅԱՆ
Գերմանիա
