RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#035, 2018-09-21 > #036, 2018-09-28 > #037, 2018-10-05 > #038, 2018-10-12 > #039, 2018-10-19

«ԱԶԳ» ՕՐԱԹԵՐԹ #37, 05-10-2018



Տեղադրվել է` 2018-10-05 14:03:52 (GMT +04:00)


Ընթերցված է` 4922, Տպվել է` 542, Ուղարկվել է էլ.փոստով` 0

ԴԱՏԱՐԱՆԸ ՄԵՐԺԵՑ «ԱԶԳ»Ի ԵՎ ՆՐԱ ԽՄԲԱԳՐԻ ԴԵՄ ՆԵՐԿԱՅԱՑՎԱԾ ՀԱՅՑԸ

ԳՈՀԱՐ ՄԱԿԱՐՅԱՆ, «Հայ Ձայն»

Օրերս Երեւան քաղաքի ընդհանուր իրավասության դատարանը մերժել է Սեւակ Հաճի-Հակոբյանի հայցն ընդդեմ «Ազգ» թերթի եւ գլխավոր խմբագիր Հակոբ Ավետիքյանի:

Հիշեցնենք, ավելի քան մեկ տարի առաջՙ 2017թ. հունիսի 27-ին Սեւակ Հաճի-Հակոբյանը դատական հայց էր ներկայացրել Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանՙ ընդդեմ Հակոբ Ավետիքյանի, «Ազգ» թերթի` վիրավորանքի համար հրապարակայնորեն ներողություն խնդրելու, այս մասով փոխհատուցում տրամադրելու, զրպարտությունը հրապարակայնորեն հերքելու եւ այս մասով փոխհատուցում տրամադրելու պահանջներով :

Վերոնշյալ հայցի համար հիմք էր հանդիսացել մայիսի 25-ին Azg.am-ում հրապարակված «Փորի հատվածի ճարպը եւ սոված ստամոքսը» վերտառությամբ հոդվածը:

«ՀԱՅ ՁԱՅՆ» լրատվականը եւս անդրադառնալով խնդրին զրուցեց «Ազգ»-ի գլխավոր խմբագիր Հակոբ Ավետիքյանի շահերը ներկայացնող «ՀԱՊ» փաստաբանական գրասենյակի փաստաբան Հայկ Պողոսյանի հետ, որը ներկայացրեց հայցի վերաբերյալ դատարանի կայացրած վճիռը:

Հայկ Պողոսյանը նշեց, որ իր կողմից դատարանին է ներկայացվել 3 վճիռ, որոնց համաձայնՙ հայցվոր Սեւակ Հաճի-Հակոբյանը Լիբանանի Հանրապետությում 3 անգամ դատապարտվել է եւ կրել իր պատիժը:

««Ազգ»-ի հոդվածում նշված «ֆինանսական տարբեր խարդախությունների համար եռյակ բանտարգելության դատապարտված եւ պատժված Սեւակ Հաճի-Հակոբյանը» միտքը, որը հայցվորը զրպարտություն էր համարել, ըստ դատարանիՙ զրպարտություն չէ: Պատասխանողի կողմից թարգմանաբար դատարանին ներկայացված վճիռների համաձայնՙ հայցվորը բանկային չեկեր է ստորագրելՙ հաշվին այդ գումարները առկա չլինելու պարագայում, ինչի համար եւ դատապարտվել է:

Երեւան քաղաքի ընդհանուր իրավասության դատարանը համարել է, որ այստեղ որեւէ զպարտություն չկա: Այսինքն, «Ազգ»-ի վերոնշյալ հոդվածում հայցվորի կողմից ներկայացված հատվածները չեն համապատասխանում զրպարտություն եզրույթին»,- նշեց փաստաբան Պողոսյանը:

Անդրադառնալով հայցվորի կողմից ներկայացված մեկ այլ դրույթիՙ իր քաշի հիշատակումը վիրավորանք համարելուն եւ իր հասցեին «վավերական խարդախ» արտահայտություն օգտագործելունՙ փաստաբանը նշեց, որ դատարանը այս պարագայում եւս որոշում է կայացրել, որ դրանք վիրավորանք չեն հանդիսանում:

Դատարանը որոշում է կայացրել, որ սույն հայցն անհիմն է եւ ամբողջությամբ մերժել է այն:

Այսպիսով, հայցվոր Սեւակ Հաճի-Հակոբյանի ներկայացրած հայցը Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանն անհիմն է համարել, քանի որ այդ հոդվածում զրպարտություն չկա, բացակայում է նաեւ վիրավորանքը:

 
 

«ԱԶԳ» ՕՐԱԹԵՐԹ #37, 05-10-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ