ՄԱԿ-ում 50 տարվա աշխատանքի ընթացքում Չինաստանը դարձել է միջազգային համագործակցության կարևոր հենասյուն՝ ավելի ու ավելի մեծ ներդրում ունենալով գլոբալ մարտահրավերների հաղթահարման գործում։ Այս մասին հայտարարել է ՄԱԿ-ի գլխավոր քարտուղար Անտոնիու Գուտերեշը՝ ՄԱԿ-ի Գլխավոր ասամբլեայի բանաձևի ընդունման 50-ամյակին։
Գուտերեշը, մասնավորապես, ողջունել է ՉԺՀ-ի հանձնառությունը՝ աստիճանաբար հրաժարվել ածխային էլեկտրակայաններից և կոչ է արել Պեկինին ավելի մեծ պարտավորություն ստանձնել Գլազգոյի գագաթաժողովում կլիմայի փոփոխության դեմ պայքարում: Բացի այդ, ՄԱԿ-ի գլխավոր քարտուղարը նշել է այն կարևոր դերը, որը երկիրը COVAX նախաձեռնության միջոցով կարող է խաղալ կորոնավիրուսի դեմ գլոբալ պատվաստումների իրականացման գործում, հայտնում է ՏԱՍՍ-ը:
