ԱՄՆ-ը չի ծրագրում փոխել Աֆղանստանի նախկին կառավարության ֆինանսական ակտիվների սառեցման վերաբերյալ դիրքորոշումը: Այս մասին հայտարարել է ԱՄՆ ֆինանսների նախարարի տեղակալ Ադեվալե Ադեյեմոն, հայտնում է ՏԱՍՍ-ը:
«Ես չեմ տեսնում իրադարձությունների զարգացում, երբ մենք թույլ կտանք թալիբներին մուտք ունենալ դեպի աֆղան ժողովրդին պատկանող ռեսուրսներ: Մենք կարծում ենք, որ անհրաժեշտ է պահպանել մեր պատժամիջոցները թալիբների դեմ, բայց միևնույն ժամանակ ուղիներ գտնել Աֆղանստանին օրինական մարդասիրական օգնություն փոխանցելու համար: Դա այն է, ինչ մենք անում ենք», – ասել է նա։
Սպիտակ տան խոսնակ Ջեն Փսակին ևս ավելի վաղ ասել էր, որ G20-ի գագաթաժողովը չի փոխել Աֆղանստանի նախկին կառավարության ֆինանսական ակտիվների սառեցման վերաբերյալ ԱՄՆ դիրքորոշումը:
