Իրաքից ու Սիրիայից ահաբեկիչները կուտակվում են Աֆղանստանում և կարող են փորձել ապակայունացնել իրավիճակը ԱՊՀ երկրներում, հայտարարել է ՌԴ նախագահ Վլադիմիր Պուտինը:
«Այս առումով կարևոր է մշտապես վերահսկել իրավիճակը Աֆղանստանի սահմանին և պատրաստ լինել հակազդել գրոհայիններին, և դրա համար պետք է համակարգել անվտանգության ուժերի աշխատանքը, անհրաժեշտության դեպքում՝ համատեղ հատուկ գործողություններ իրականացնել», – հավելել է Ռուսաստանի առաջնորդը:
Պետության ղեկավարը նշել է, որ Կենտրոնական Ասիայի, Անդրկովկասի և այլ տարածաշրջանների համար ստեղծվող հավանական սպառնալիքները մանրամասն քննարկվել են այս տարվա սեպտեմբերին ՀԱՊԿ և ՇՀԿ գագաթաժողովներում, հայտնում է ՌԻԱ գործակալությունը:
«Իհարկե, մենք այս թեման կդիտարկենք նաև ԱՊՀ գալիք գագաթաժողովում», – եզրափակել է նա:
