Առնվազն 30 մարդ այսօր վիրավորվել է Թուրքիայի հարավ-արևմուտքում ավտոբուսների վթարի հետևանքով: Այս մասին հայտնում է ՏԱՍՍ-ը։
Ըստ Demiroren լրատվական գործակալության, դպրոցական և զբոսաշրջային ավտոբուսները բախվել են Մուղլա-Դենիզլի ավտոճանապարհին տեղի ժամանակով մոտ 07:30-ին: Զբոսաշրջային ավտոբուսում, ըստ գործակալության, եղել է 41 զբոսաշրջիկ Ռուսաստանից և Ուկրաինայից: Այլ տվյալների համաձայն, զբոսաշրջային ավտոբուսում եղել են միայն Ուկրաինայի քաղաքացիներ:
Վերջին տվյալներով, տրանսպորտային միջոցներից մեկի վարորդը վթարի հետևանքով մահացել է: Բոլոր տուժածները տեղափոխվել են մոտակա հիվանդանոցներ:
