Ռուսաստանի խաղաղապահ զորախմբի հումանիտար արձագանքման կենտրոնի մասնագետները Հայաստանից մարդասիրական օգնություն են տեղափոխել Լեռնային Ղարաբաղ: Հայտնում են ՌԴ ՊՆ-ից։
Արցախի բնակիչներին, որոնք ջրի անհրաժեշտություն ունեն, օգնության են հասցրել պահեստավորման տարրաներ։ Դրանք խմելու ջրի պահեստավորման տարաներ են, որոնք անհրաժեշտ են Արցախի բնակիչներին`խմելու ջրի ընդհատումների ժամանակ:
Հատուկ բեռը կփոխանցվի այն դպրոցներին և մանկապարտեզներին, որոնք գտնվում են հեռավոր շրջաններում՝ սահմանազատման գծի մերձակայքում։
«Այսօր ռուս խաղաղապահները բարեգործական կազմակերպությունների հետ համատեղ իրականացրել են մարդասիրական բեռի առաքում Երևանից դեպի Արցախ։ Մենք հասցրել ենք 3 և 5 խորանարդ մետր տարողությամբ 14 տարրա, որոնք հետագայում կփոխանցվեն Լեռնային Ղարաբաղի մանկապարտեզներին և դպրոցներին։ Բեռի առաքումն իրականացվել է հումանիտար արձագանքման կենտրոնի փոխադրամիջոցներով՝ ճանապարհային ռազմական ոստիկանության ուղեկցությամբ»,- պատմել է ռուսական խաղաղապահ զորախմբի ներկայացուցիչ Դմիտրի Տուսիդին:
Երկու շաբաթվա ընթացքում խաղաղապահ զորախմբի մարդասիրական կենտրոնի զինծառայողները ավելի քան 30 երթ են իրականացրել և 200 տոննա խմելու ջուր հասցրել Ստեփանակերտի ավելի քան 1,5 հազար բնակիչների համար:
Նախօրեին էլ ռուս խաղաղապահների աջակցությամբ Լեռնային Ղարաբաղի Մարտունու շրջանում սահմանազատման գծի մերձակայքում գործարկվել է ջրհոր, որն ապահովում է խմելու ջրի մատակարարումը մոտակա գյուղերի ավելի քան 2 հազար բնակիչների համար:
Մասնագետները կանխարգելիչ միջոցառումներ են ձեռնարկել և տեղադրել ջրի մատակարարման ավտոմատ համակարգ:
