ԱՄՆ նախագահ Ջո Բայդենը կարգադրել է Պենտագոնի միջոցների հաշվին Ուկրաինային հատկացնել մինչև 60 մլն դոլարի օգնություն: Այս մասին ասված է Սպիտակ տան մամուլի ծառայության տարածած հուշագրում:
«ԱՄՆ Սահմանադրությանը համապատասխան իմ ունեցած իշխանությամբ՝ ես պետքարտուղարին եմ փոխանցում լիազորություն`մինչև 60 մլն դոլար հատկացնել Պաշտպանության նախարարության պաշտպանական արտադրանքի և ծառայությունների, ինչպես նաև ռազմական կրթության և ուսուցման համար Ուկրաինային աջակցելու համար», – ասվում է հուշագրում:
Բայդենը Ուկրաինային լրացուցիչ օգնություն տրամադրելու մասին որոշումը կայացրել է օգոստոսի 31-ին Վաշինգտոնում Ուկրաինայի նախագահ Վլադիմիր Զելենսկու հետ հանդիպումից առաջ: Ինչպես ավելի վաղ հայտնել էր Սպիտակ տան մամուլի քարտուղար Ջեն Փսակին, «այցը կհաստատի ԱՄՆ-ի աջակցությունը Ուկրաինայի ինքնիշխանությանը և տարածքային ամբողջականությանը՝ ի դեմս Դոնբասում և Ղրիմում շարունակվող ռուսական ագրեսիայի»:
