Թալիբները հայտարարել են, որ Աֆղանստանում նոր նախարարների կաբինետ չի լինի, քանի դեռ վերջին ամերիկացի զինվորը չի հեռացել երկրից
«Թալիբան» արմատական շարժումը չի ձևավորի նոր կառավարություն, քանի դեռ ամերիկացի զինվորականներն ամբողջովին դուրս չեն եկել Աֆղանստանից: ՏԱՍՍ-ի փոխանցմամբ, այդ մասին երկուշաբթի օրը հայտարարել է տեղական 1TV հեռուստաալիքը՝ արմատականների ներկայացուցիչ Զաբիուլլահ Մուջահիդին վկայակոչելով:
«Աֆղանստանում նոր կառավարություն չի լինի, քանի դեռ վերջին ամերիկացի զինվորը չի հեռացել երկրից: Մենք կդառնանք ինքնաբավ: Մեր ժողովուրդը կարոտ է տնտեսական վերափոխումների», -մեջբերում է հեռուստաալիքը նրա խոսքերը:
